ek aazar hui jati hai shohrat hum ko

ek āzār huī jaatī hai shohrat ham ko

ḳhud se milne kī bhī miltī nahīñ fursat ham ko

raushnī kā ye musāfir hai rah-e-jāñ kā nahīñ

apne saa.e se bhī hone lagī vahshat ham ko

aañkh ab kis se tahayyur kā tamāshā māñge

apne hone pe bhī hotī nahīñ hairat ham ko

ab ke ummīd ke shole se bhī āñkheñ na jalīñ

jaane kis moḌ pe le aa.ī mohabbat ham ko

kaun sī rut hai zamāne meñ hameñ kyā mālūm

apne dāman meñ liye phirtī hai hasrat ham ko

zaḳhm ye vasl ke marham se bhī shāyad na bhare

hijr meñ aisī milī ab ke masāfat ham ko

dāġh-e-isyāñ to kisī taur na chhupte 'amjad'

Dhāñp letī na agar chādar-e-rahmat ham ko

ek aazar hui jati hai shohrat hum ko

KHud se milne ki bhi milti nahin fursat hum ko

raushni ka ye musafir hai rah-e-jaan ka nahin

apne sae se bhi hone lagi wahshat hum ko

aankh ab kis se tahayyur ka tamasha mange

apne hone pe bhi hoti nahin hairat hum ko

ab ke ummid ke shole se bhi aankhen na jalin

jaane kis moD pe le aai mohabbat hum ko

kaun si rut hai zamane mein hamein kya malum

apne daman mein liye phirti hai hasrat hum ko

zaKHm ye wasl ke marham se bhi shayad na bhare

hijr mein aisi mili ab ke masafat hum ko

dagh-e-isyan to kisi taur na chhupte 'amjad'

Dhanp leti na agar chadar-e-rahmat hum ko