ek bhaTki sada sa rahta hun
ek bhaTkī sadā sā rahtā huuñ
āj-kal be-pata sā rahtā huuñ
ghar mire dil meñ bhī rahā na kabhī
ghar meñ maiñ bhī zarā sā rahtā huuñ
chāñd se roz aañkh laḌtī hai
maiñ bhī chhat pe paḌā sā rahtā huuñ
koī pūchho to mudda.ā kyā hai
maiñ jo sab se ḳhafā sā rahtā huuñ
kar sako to mirī talāsh karo
in dinoñ maiñ havā sā rahtā huuñ
ek bhaTki sada sa rahta hun
aaj-kal be-pata sa rahta hun
ghar mere dil mein bhi raha na kabhi
ghar mein main bhi zara sa rahta hun
chand se roz aankh laDti hai
main bhi chhat pe paDa sa rahta hun
koi puchho to muddaa kya hai
main jo sab se KHafa sa rahta hun
kar sako to meri talash karo
in dinon main hawa sa rahta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
