ek dariya-e-tilismat rawan kar Dala

ek dariyā-e-tilismāt ravāñ kar Daalā

aap ke husn ne būḌhoñ ko javāñ kar Daalā

maiñ ne iz.hār kiyā us ne jhukā diiñ nazreñ

bin kahe kuchh mire mahbūb ne haañ kar Daalā

shauq-e-nazzāra ne īmān kī duniyā luuTī

dil-e-momin hadaf-e-chashm-e-butāñ kar Daalā

kam na thī gardish-e-daurāñ kī girānī mujh par

terī yādoñ ne use aur girāñ kar Daalā

kaisā nādāñ huuñ ki ġhazloñ ke bahāne 'kāzim'

maiñ ne har raaz mohabbat kā bayāñ kar Daalā

ek dariya-e-tilismat rawan kar Dala

aap ke husn ne buDhon ko jawan kar Dala

main ne izhaar kiya us ne jhuka din nazren

bin kahe kuchh mere mahbub ne han kar Dala

shauq-e-nazzara ne iman ki duniya luTi

dil-e-momin hadaf-e-chashm-e-butan kar Dala

kam na thi gardish-e-dauran ki girani mujh par

teri yaadon ne use aur giran kar Dala

kaisa nadan hun ki ghazlon ke bahane 'kazim'

main ne har raaz mohabbat ka bayan kar Dala