ek din na rone ka faisla kiya maine

ek din na rone kā faisla kiyā maiñ ne

aur phir badal Daalā apnā faisla maiñ ne

dil meñ valvala sā kuchh chaal meñ anā sī kuchh

jaise ḳhud nikālā ho apnā rāsta maiñ ne

mujh meñ apnī hī sūrat dekhne lage haiñ sab

jaane kab banā Daalā ḳhud ko ā.īna maiñ ne

us ko bhī thā kuchh kahnā mujh ko bhī thā kuchh sunñā

aur kuchh kahā us ne aur kuchh sunā maiñ ne

kuchh ḳhabar na thī mujh ko khil rahā hai koī gul

bas havā kā ā.īna dekh hī liyā maiñ ne

vaqt ne har aahaT par ḳhaak Daal dī 'shahpar'

kar diyā adā āḳhir jizya-e-anā maiñ ne

ek din na rone ka faisla kiya main ne

aur phir badal Dala apna faisla main ne

dil mein walwala sa kuchh chaal mein ana si kuchh

jaise KHud nikala ho apna rasta main ne

mujh mein apni hi surat dekhne lage hain sab

jaane kab bana Dala KHud ko aaina main ne

us ko bhi tha kuchh kahna mujh ko bhi tha kuchh sunna

aur kuchh kaha us ne aur kuchh suna main ne

kuchh KHabar na thi mujh ko khil raha hai koi gul

bas hawa ka aaina dekh hi liya main ne

waqt ne har aahaT par KHak Dal di 'shahpar'

kar diya ada aaKHir jizya-e-ana main ne