ek din raat ki sohbat mein nahin hote sharik
ek din raat ki sohbat mein nahin hote sharik
Insha Allah Khan Insha
MORE BYInsha Allah Khan Insha
ek din raat kī sohbat meñ nahīñ hote sharīk
ham ko kyā fā.eda gar aap bahut haiñ nazdīk
ab to Tuk ho ke khaḌe baat hamārī sun lo
raat hai kūcha-o-bāzār paḌe haiñ tārīk
paan jo haath se kal ġhair ke tū ne khāyā
pī ke lohū ko ġharaz ghūñT rahe ham juuñ piik
duur ho vādī-e-majnūñ se nikal ai vahshat
kis vasīle se milī tujh ko jahāñ kī tamlīk
vādī-e-ishq meñ 'inshā' tū sambhal kar jaatā
haañ ḳhabar-dār ki ye raah bahut hai tārīk
ek din raat ki sohbat mein nahin hote sharik
hum ko kya faeda gar aap bahut hain nazdik
ab to Tuk ho ke khaDe baat hamari sun lo
raat hai kucha-o-bazar paDe hain tarik
pan jo hath se kal ghair ke tu ne khaya
pi ke lohu ko gharaz ghunT rahe hum jun pik
dur ho wadi-e-majnun se nikal ai wahshat
kis wasile se mili tujh ko jahan ki tamlik
wadi-e-ishq mein 'insha' tu sambhal kar jata
han KHabar-dar ki ye rah bahut hai tarik
- Kulliyat-e-inshaallah khan insha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
