ek dushman ko baDe pyar se mehman kiya

ek dushman ko baḌe pyaar se mehmān kiyā

ham ne kāñToñ se saje tasht ko gul-dān kiyā

ham ne sīñchā hai dil-o-tan ke lahū se is ko

varna ye ek bayābāñ thā gulistān kiyā

phir bhī ham tujh pe luTāte haiñ dil-o-tan kā lahū

tere rishte ne magar ham ko bhī anjān kiyā

gaañv bhī Duub gayā mauj-e-balā meñ ai dost

ab ke barsāt ne har mauj ko tūfān kiyā

ham ne insān ko nasloñ meñ yahāñ baañT diyā

sayyad-o-shaiḳh kiyā mīr-o-muġhal ḳhaan kiyā

kis ne tahzīb kī dīvār girā dī 'aḳhtar'

ek ik shahr ko kam-baḳht ne vīrān kiyā

ek dushman ko baDe pyar se mehman kiya

hum ne kanTon se saje tasht ko gul-dan kiya

hum ne sincha hai dil-o-tan ke lahu se is ko

warna ye ek bayaban tha gulistan kiya

phir bhi hum tujh pe luTate hain dil-o-tan ka lahu

tere rishte ne magar hum ko bhi anjaan kiya

ganw bhi Dub gaya mauj-e-bala mein ai dost

ab ke barsat ne har mauj ko tufan kiya

hum ne insan ko naslon mein yahan banT diya

sayyad-o-shaiKH kiya mir-o-mughal KHan kiya

kis ne tahzib ki diwar gira di 'aKHtar'

ek ek shahr ko kam-baKHt ne viran kiya