ek ek qatre ka mujhe dena paDa hisab

ek ek qatre kā mujhe denā paḌā hisāb

ḳhūn-e-jigar vadī.at-e-mizhgān-e-yār thā

ab maiñ huuñ aur mātam-e-yak-shahr-ārazū

toḌā jo tū ne aa.ina timsāl-dār thā

galiyoñ meñ merī nā'sh ko khīñche phiro ki maiñ

jāñ-dāda-e-havā-e-sar-e-rahguzār thā

mauj-e-sarāb-e-dasht-e-vafā kā na pūchh haal

har zarra misl-e-jauhar-e-teġh āb-dār thā

kam jānte the ham bhī ġham-e-ishq ko par ab

dekhā to kam hue pa ġham-e-rozgār thā

kis kā junūn-e-dīd tamannā-shikār thā

ā.īna-ḳhāna vādī-e-jauhar-ġhubār thā

kis kā ḳhayāl ā.ina-e-intizār thā

har barg-e-gul ke parde meñ dil be-qarār thā

juuñ ġhuncha-o-gul āfat-e-fāl-e-nazar na pūchh

paikāñ se tere jalva-e-zaḳhm āshkār thā

dekhī vafā-e-fursat-e-ranj-o-nashāt-e-dahr

ḳhamyāza yak-darāzi-e-umr-e-ḳhumār thā

sub.h-e-qayāmat ek dum-e-gurg thī 'asad'

jis dasht meñ vo shoḳh-e-do-ālam shikār thā

ek ek qatre ka mujhe dena paDa hisab

KHun-e-jigar wadiat-e-mizhgan-e-yar tha

ab main hun aur matam-e-yak-shahr-arazu

toDa jo tu ne aaina timsal-dar tha

galiyon mein meri na'sh ko khinche phiro ki main

jaan-dada-e-hawa-e-sar-e-rahguzar tha

mauj-e-sarab-e-dasht-e-wafa ka na puchh haal

har zarra misl-e-jauhar-e-tegh aab-dar tha

kam jaante the hum bhi gham-e-ishq ko par ab

dekha to kam hue pa gham-e-rozgar tha

kis ka junun-e-did tamanna-shikar tha

aaina-KHana wadi-e-jauhar-ghubar tha

kis ka KHayal aaina-e-intizar tha

har barg-e-gul ke parde mein dil be-qarar tha

jun ghuncha-o-gul aafat-e-fal-e-nazar na puchh

paikan se tere jalwa-e-zaKHm aashkar tha

dekhi wafa-e-fursat-e-ranj-o-nashat-e-dahr

KHamyaza yak-daraazi-e-umr-e-KHumar tha

subh-e-qayamat ek dum-e-gurg thi 'asad'

jis dasht mein wo shoKH-e-do-alam shikar tha