aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek ghar apne liye tayyar karna hai mujhe

Ghulam Husain Sajid

ek ghar apne liye tayyar karna hai mujhe

Ghulam Husain Sajid

MORE BYGhulam Husain Sajid

    ek ghar apne liye tayyār karnā hai mujhe

    aur ik bastī ko bhī mismār karnā hai mujhe

    is añdhere meñ chhupānā hai koī dushman magar

    is ujāle meñ kisī par vaar karnā hai mujhe

    ek naddī ke kināre par Thaharne ke liye

    shaam hone tak ye dariyā paar karnā hai mujhe

    DhūñD laayā huuñ ḳhushī chhāñv jis ke vāste

    ek ġham se bhī use do-chār karnā hai mujhe

    bhāñdhnī hai āḳhirī ik chaal se saarī bisāt

    aur us daav bhī be-kār karnā hai mujhe

    kis samundar meñ utarnā hai paḌāv ke liye

    kis nagar ko ab gale haar karnā hai mujhe

    ek ḳhvāhish hai jo shāyad 'umr bhar puurī na ho

    ek sapne se hamesha pyaar karnā hai mujhe

    ek jhoñke ko ravāñ rakhnā hai sehn-e-bāġh meñ

    ek gul ko shāmil-e-guftār karnā hai mujhe

    ek an-jānī sadā khoj meñ chalte hue

    ek mub.ham rabt ko dīvār karnā hai mujhe

    ek ghar apne liye tayyar karna hai mujhe

    aur ek basti ko bhi mismar karna hai mujhe

    is andhere mein chhupana hai koi dushman magar

    is ujale mein kisi par war karna hai mujhe

    ek naddi ke kinare par Thaharne ke liye

    sham hone tak ye dariya par karna hai mujhe

    DhunD laya hun KHushi ki chhanw jis ke waste

    ek gham se bhi use do-chaar karna hai mujhe

    bhandhni hai aaKHiri ek chaal se sari bisat

    aur us ka daw bhi be-kar karna hai mujhe

    kis samundar mein utarna hai paDaw ke liye

    kis nagar ko ab gale ka haar karna hai mujhe

    ek KHwahish hai jo shayad 'umr bhar puri na ho

    ek sapne se hamesha pyar karna hai mujhe

    ek jhonke ko rawan rakhna hai sehn-e-bagh mein

    ek gul ko shamil-e-guftar karna hai mujhe

    ek an-jaani sada ki khoj mein chalte hue

    ek mubham rabt ko diwar karna hai mujhe

    Source:

    siip-volume-46 (Pg. 56)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now