ek humse tujhe nahin iKHlas

ek ham se tujhe nahīñ iḳhlās

ghar-ba-ghar tujh ko har kahīñ iḳhlās

rū-siyāhī sivā nahīñ hāsil

naam se mat kar ai nagīñ iḳhlās

dekh tujh zulf o rū kī ulfat ko

karte haiñ aaj kufr o diiñ iḳhlās

zor hī ham se tiiñ rakhā pyāre

vāh-vā rahmat-āfrīñ iḳhlās

misl-e-naqsh-e-qadam ye rakhtī hai

tere dar se mirī jabīñ iḳhlās

gar tamannā guhar kī hai to kar

chashm merī se āstīñ iḳhlās

aadam is daam meñ phañsā 'saudā'

rakkhe daane se ḳhosha-chīñ iḳhlās

ek hum se tujhe nahin iKHlas

ghar-ba-ghar tujh ko har kahin iKHlas

ru-siyahi siwa nahin hasil

nam se mat kar ai nagin iKHlas

dekh tujh zulf o ru ki ulfat ko

karte hain aaj kufr o din iKHlas

zor hi hum se tin rakha pyare

wah-wa rahmat-afrin iKHlas

misl-e-naqsh-e-qadam ye rakhti hai

tere dar se meri jabin iKHlas

gar tamanna guhar ki hai to kar

chashm meri se aastin iKHlas

aadam is dam mein phansa 'sauda'

rakkhe dane se KHosha-chin iKHlas