ek jagah pe nahin hai mujhe aaram kahin

ek jāgah pe nahīñ hai mujhe ārām kahīñ

hai ajab haal mirā sub.h kahīñ shaam kahīñ

chashm ne jo yamanī laḳht jigar ke kho de

un nagīñ kā to nahīñ sunte ham ab naam kahīñ

apnī qismat meñ mai-e-sāf to saaqī ma.alūm

kaash pheñke tū idhar durd-e-tah-e-jām kahīñ

ai falak tarah se makḌī kī tū jāloñ ko na puur

vo jo shahbāz haiñ aate haiñ tah-e-dām kahīñ

us kamar se nigah-e-shauq lipaTtī to hai lek

jī ye dhaḌke hai ki aa jaa.e na ilzām kahīñ

tum ne kī dil kī talab ham bhī kahāveñge va-lek

yuuñ ye farmā.isheñ hotī haiñ sar-anjām kahīñ

pā-e-dīvār se phir merī tarah vo na uThā

jin ne dekhā tujhe yakbār sar-e-bām kahīñ

uzr-e-taqsīr bhī chāhūñgā maiñ us se ai dil

Tuk tū ḳhāmosh ho dene se vo dushnām kahīñ

azm ka.aba kā tū 'qā.em' to kiyā hai lekin

rahn-e-mai kiijo na vaañ jāma-e-ehrām kahīñ

ek jagah pe nahin hai mujhe aaram kahin

hai ajab haal mera subh kahin sham kahin

chashm ne jo yamani laKHt jigar ke kho de

un nagin ka to nahin sunte hum ab nam kahin

apni qismat mein mai-e-saf to saqi malum

kash phenke tu idhar durd-e-tah-e-jam kahin

ai falak tarah se makDi ki tu jalon ko na pur

wo jo shahbaz hain aate hain tah-e-dam kahin

us kamar se nigah-e-shauq lipaTti to hai lek

ji ye dhaDke hai ki aa jae na ilzam kahin

tum ne ki dil ki talab hum bhi kahawenge wa-lek

yun ye farmaishen hoti hain sar-anjam kahin

pa-e-diwar se phir meri tarah wo na uTha

jin ne dekha tujhe yakbar sar-e-baam kahin

uzr-e-taqsir bhi chahunga main us se ai dil

Tuk tu KHamosh ho dene se wo dushnam kahin

azm kaba ka tu 'qaem' to kiya hai lekin

rahn-e-mai kijo na wan jama-e-ehram kahin