ek maqtul-e-jafa do zulm ke qabil na tha

ek maqtūl-e-jafā do zulm ke qābil na thā

varna dil kā mārnā āsān thā mushkil na thā

shauq-e-āzādī meñ taḌpūñ us pe raazī dil na thā

varna betābī salāmat chhūTnā mushkil na thā

hashr meñ vo sar jhukā.e haiñ maiñ shikva kyā karūñ

jaane vaalī jaan thī merā koī qātil na thā

ab sulaimānī kise kahte haiñ batlā de mujhe

ek 'ālam thā tirī muTThī meñ merā dil na thā

de sadā ab dil magar naqsh-e-qadam ko dekh kar

aise bhī dar haiñ kabhī jin par koī saa.il na thā

ḳhaas vaqt-e-yād-e-gulshan aur merā chheḌnā

shab ko bhī sayyād mere zab.h se ġhāfil na thā

sub.h shām-e-ġham ne dāman bhar ke bhejā dahr se

varna is umr-e-do-roza kā koī hāsil na thā

us kī qudrat nā-tavānoñ ko bhī detā hai 'urūj

āsmāñ se sar chaḌhe naala to is qābil na thā

tere naqshe ne bhī furqat meñ na bahlāyā mujhe

shām-e-ġham jab aa.ī gurdoñ par har kāmil na thā

dekh lete do qadam chal kar ki matlab thā yahī

dar pe jo aayā thā vo bīmār thā saa.il na thā

qalb-e-sozāñ aur hī dhokā na khānā dahr meñ

rah gayā jo aag de kar sang thā vo dil na thā

kuchh sambhal jaatā agar karvaT badal jaate mirī

ye mujhe dushvār thā un ke liye mushkil na thā

Dūbtā thā dil shab-e-vasl aa chukī thī tā-sahar

ek tinke kā sahārā bhī lab-e-sāhil na thā

is dil-e-gum-gashta matlab ke sabab se dahr meñ

kaun sā din thā ki maiñ āvāra-e-manzil na thā

ek jaltī sham' uThvā dī bahut achchhā kiyā

soḳhta-dil thā maiñ koī raunaq-e-mahfil na thā

shām-e-ġham jis meñ rahe barsoñ vahāñ kyā 'iid ho

vo to aa jaa.e magar ye dil hī is qābil na thā

juz fareb-e-husn aur ulfat ko 'sāqib' kyā kahūñ

zindagī se shai kabhī us par bhī dil maa.il na thā

ek maqtul-e-jafa do zulm ke qabil na tha

warna dil ka marna aasan tha mushkil na tha

shauq-e-azadi mein taDpun us pe raazi dil na tha

warna betabi salamat chhuTna mushkil na tha

hashr mein wo sar jhukae hain main shikwa kya karun

jaane wali jaan thi mera koi qatil na tha

ab sulaimani kise kahte hain batla de mujhe

ek 'alam tha teri muTThi mein mera dil na tha

de sada ab dil magar naqsh-e-qadam ko dekh kar

aise bhi dar hain kabhi jin par koi sail na tha

KHas waqt-e-yaad-e-gulshan aur mera chheDna

shab ko bhi sayyaad mere zabh se ghafil na tha

subh sham-e-gham ne daman bhar ke bheja dahr se

warna is umr-e-do-roza ka koi hasil na tha

us ki qudrat na-tawanon ko bhi deta hai 'uruj

aasman se sar chaDhe nala to is qabil na tha

tere naqshe ne bhi furqat mein na bahlaya mujhe

sham-e-gham jab aai gurdon par har kaamil na tha

dekh lete do qadam chal kar ki matlab tha yahi

dar pe jo aaya tha wo bimar tha sail na tha

qalb-e-sozan aur hi dhoka na khana dahr mein

rah gaya jo aag de kar sang tha wo dil na tha

kuchh sambhal jata agar karwaT badal jate meri

ye mujhe dushwar tha un ke liye mushkil na tha

Dubta tha dil shab-e-wasl aa chuki thi ta-sahar

ek tinke ka sahaara bhi lab-e-sahil na tha

is dil-e-gum-gashta matlab ke sabab se dahr mein

kaun sa din tha ki main aawara-e-manzil na tha

ek jalti sham' uThwa di bahut achchha kiya

soKHta-dil tha main koi raunaq-e-mahfil na tha

sham-e-gham jis mein rahe barson wahan kya 'id ho

wo to aa jae magar ye dil hi is qabil na tha

juz fareb-e-husn aur ulfat ko 'saqib' kya kahun

zindagi se shai kabhi us par bhi dil mail na tha