ek rangin kahani hai tere shahr ki raat
ek rañgīn kahānī hai tire shahr kī raat
haa.e ye kis kī javānī hai tire shahr kī raat
bas yuuñ hī zulf bikhere hue aa jā ai dost
aaj kis darja suhānī hai tire shahr kī raat
regzār-e-dil-e-shā.ir ke liye jān-e-ġhazal
mauj-e-dariyā kī ravānī hai tire shahr kī raat
dil kī is kohar-zada yaas bharī bastī meñ
tujh se hī maañg ke laanī hai tire shahr kī raat
baar ho jā.egā zehnoñ pe tasavvur din kā
aaj is tarah jagānī hai tire shahr kī raat
vo nahīñ hai to ġhamistā-e-taḳhayyul kī qasam
'hosh' afsurda kahānī hai tire shahr kī raat
ek rangin kahani hai tere shahr ki raat
hae ye kis ki jawani hai tere shahr ki raat
bas yun hi zulf bikhere hue aa ja ai dost
aaj kis darja suhani hai tere shahr ki raat
regzar-e-dil-e-shair ke liye jaan-e-ghazal
mauj-e-dariya ki rawani hai tere shahr ki raat
dil ki is kohar-zada yas bhari basti mein
tujh se hi mang ke lani hai tere shahr ki raat
bar ho jaega zehnon pe tasawwur din ka
aaj is tarah jagani hai tere shahr ki raat
wo nahin hai to ghamista-e-taKHayyul ki qasam
'hosh' afsurda kahani hai tere shahr ki raat
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
