ek samundar aansuon ka bhar chuka kamre mein wo

ek samundar āñsuoñ kā bhar chukā kamre meñ vo

apnī barbādī kā mātam kar chukā kamre meñ vo

uf ye sannāTā ye tārīkī ye tanhā.ī kā ḳhauf

tere bin jiite hī jī hai mar chukā kamre meñ vo

mujh ko kuchh aisā lagā ki mar ke zinda ho gayā

apne hī saa.e se jaise Dar chukā kamre meñ vo

ab na bolo aap kuchh aur nā hī ab bole koī

vo kabhī ka mar chukā hai mar chukā kamre meñ vo

uf re tanhā.ī kā ye ehsās apne aap meñ

laash jaise aap apnī dhar chukā kamre meñ vo

ḳhud-kushī 'arpit' kī koī zikr ke qābil nahīñ

jo bhī karnā thā use ab kar chukā kamre meñ vo

ek samundar aansuon ka bhar chuka kamre mein wo

apni barbaadi ka matam kar chuka kamre mein wo

uf ye sannaTa ye tariki ye tanhai ka KHauf

tere bin jite hi ji hai mar chuka kamre mein wo

mujh ko kuchh aisa laga ki mar ke zinda ho gaya

apne hi sae se jaise Dar chuka kamre mein wo

ab na bolo aap kuchh aur na hi ab bole koi

wo kabhi ka mar chuka hai mar chuka kamre mein wo

uf re tanhai ka ye ehsas apne aap mein

lash jaise aap apni dhar chuka kamre mein wo

KHud-kushi 'arpit' ki koi zikr ke qabil nahin

jo bhi karna tha use ab kar chuka kamre mein wo