ek sharik-e-rah ka dhyan

ek sharīk-e-rāh kā dhyān

kar gayā har rasta sunsān

ek junūñ lākhoñ bohtān

kis kis se uljhe insān

raahī kis ko de āvāz

rasta gum manzil vīrān

kis kā muñh dekhe vo naav

raas na ho jis ko tūfān

sahl nahīñ ashkoñ kā ḳhulūs

ai ġham-e-dil mujh ko pahchān

zulmat is duniyā kī na pūchh

jis kā ujālā ho insān

chhup na sakegā dil kā zaḳhm

hañsne vaale maan na maan

apnā garebāñ apnā haath

is meñ kisī kā kyā nuqsān

Dūbne vaale yuuñ bhī 'shor'

Duub ga.e haiñ be-tūfān

ek sharik-e-rah ka dhyan

kar gaya har rasta sunsan

ek junun lakhon bohtan

kis kis se uljhe insan

rahi kis ko de aawaz

rasta gum manzil viran

kis ka munh dekhe wo naw

ras na ho jis ko tufan

sahl nahin ashkon ka KHulus

ai gham-e-dil mujh ko pahchan

zulmat is duniya ki na puchh

jis ka ujala ho insan

chhup na sakega dil ka zaKHm

hansne wale man na man

apna gareban apna hath

is mein kisi ka kya nuqsan

Dubne wale yun bhi 'shor'

Dub gae hain be-tufan