faisla koi bulandi pe pahunch kar hoga

faisla koī bulandī pe pahuñch kar hogā

jab mire sāmne har shahr kā manzar hogā

aur kuchh der ise rauñd ke ḳhush ho jā.ūñ

aañkh khulte hī ye sūraj mire sar par hogā

kashtiyāñ aaj se pahle huiiñ kitnī ġharqāb

is kā andāza samundar meñ utar kar hogā

ik nujūmī ne batā.ī hai baḌe kaam kī baat

kal kā din aaj se har haal meñ behtar hogā

kyuuñ na maiñ apne qadam soch samajh kar rakkhūñ

vo ta.āqub meñ mire saath to aksar hogā

is ke saa.e meñ chhupe baiThe haiñ kitne afrād

is kā andāza to dīvār girā kar hogā

toḌ Daale the dar-o-bām safar se pahle

muntazir mere liye phir bhī mirā ghar hogā

ghuTniyoñ chalnā abhī aaj hī sīkhā hai 'zafar'

kal ye bachcha bhī mire qad ke barābar hogā

faisla koi bulandi pe pahunch kar hoga

jab mere samne har shahr ka manzar hoga

aur kuchh der ise raund ke KHush ho jaun

aankh khulte hi ye suraj mere sar par hoga

kashtiyan aaj se pahle huin kitni gharqab

is ka andaza samundar mein utar kar hoga

ek nujumi ne batai hai baDe kaam ki baat

kal ka din aaj se har haal mein behtar hoga

kyun na main apne qadam soch samajh kar rakkhun

wo taaqub mein mere sath to aksar hoga

is ke sae mein chhupe baiThe hain kitne afrad

is ka andaza to diwar gira kar hoga

toD Dale the dar-o-baam safar se pahle

muntazir mere liye phir bhi mera ghar hoga

ghuTniyon chalna abhi aaj hi sikha hai 'zafar'

kal ye bachcha bhi mere qad ke barabar hoga