faisla kyā ho jān-e-bismil kā
maut ruḳh dekhtī hai qātil kā
dil-lagī hai sambhālnā dil kā
nāsehā kaam hai ye mushkil kā
maut bhī kaañp kaañp uThtī hai
naam sun sun ke mere qātil kā
mil ke talvoñ se hañs ke kahte haiñ
thā zamāne meñ shor usī dil kā
hasrateñ is pate par aatī haiñ
dāġh-e-dil hai charāġh manzil kā
kyā qarīne se gul haiñ gulshan meñ
rañg uḌāyā kisī ke mahfil kā
aap ko kho ke tum ko DhūñDh liyā
hausla thā ye mere hī dil kā
be-naqāb us ne kis ko dekh liyā
rañg faq hai jo māh-e-kāmil kā
hañs ke phūloñ ko vo kareñge subuk
rañg uḌā.eñge ham anādil kā
zikr-e-ġham bazm-e-yār meñ 'zebā'
rañg bhī dekhte ho mahfil kā
faisla kya ho jaan-e-bismil ka
maut ruKH dekhti hai qatil ka
dil-lagi hai sambhaalna dil ka
naseha kaam hai ye mushkil ka
maut bhi kanp kanp uThti hai
nam sun sun ke mere qatil ka
mil ke talwon se hans ke kahte hain
tha zamane mein shor usi dil ka
hasraten is pate par aati hain
dagh-e-dil hai charagh manzil ka
kya qarine se gul hain gulshan mein
rang uDaya kisi ke mahfil ka
aap ko kho ke tum ko DhunDh liya
hausla tha ye mere hi dil ka
be-naqab us ne kis ko dekh liya
rang faq hai jo mah-e-kaamil ka
hans ke phulon ko wo karenge subuk
rang uDaenge hum anadil ka
zikr-e-gham bazm-e-yar mein 'zeba'
rang bhi dekhte ho mahfil ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
