fajar uTh KHwab sin gulshan mein jab tumne mali ankhiyan

fajar uTh ḳhvāb siiñ gulshan meñ jab tum ne malī añkhiyāñ

ga.iiñ muñd sharm suuñ nargis kī pyāre juuñ kalī añkhiyāñ

nazar bhar dekh tere ātishīñ ruḳhsār ai gul-rū

mire dil kī ba-rañg-e-qatra-e-shabnam galī añkhiyāñ

ḳhirāmāñ āb-e-haivāñ juuñ chalā jab jaan aage siiñ

añjhū kā bhes kar pīchhūñ siiñ pyāre bah chalī añkhiyāñ

tumheñ auroñ siiñ duunā dekhtī haiñ ḳhush-numā.ī meñ

hunar jaane haiñ apnā aaj aib-e-ahvalī añkhiyāñ

pakaḌ mizhgāñ ke panje suuñ maroḌā yuuñ mire dil ko

tirī zor-āvarī meñ aaj rustam haiñ balī añkhiyāñ

tirā har uzv pyāre ḳhush-numā hai uzv-e-dīgar siiñ

mizha siiñ ḳhūb-tar abrū va abrū siiñ bhalī añkhiyāñ

tahayyur ke phañde meñ said ho kar chaukḌī bhūle

agar aahū kuuñ dikhlā.ūñ sajan kī achpalī añkhiyāñ

huī fānūs gardūñ ke siyah kājal suuñ sar-tā-pā

shab-e-hijrāñ meñ terī sham.a ho yaañ lag jalī añkhiyāñ

zabāñ kar apne mizhgāñ kuuñ lagī haiñ reḳhte paḌhne

huī haiñ 'ābrū' ke vasf meñ terī valī añkhiyāñ

fajar uTh KHwab sin gulshan mein jab tum ne mali ankhiyan

gain mund sharm sun nargis ki pyare jun kali ankhiyan

nazar bhar dekh tere aatishin ruKHsar ai gul-ru

mere dil ki ba-rang-e-qatra-e-shabnam gali ankhiyan

KHiraman aab-e-haiwan jun chala jab jaan aage sin

anjhu ka bhes kar pichhun sin pyare bah chali ankhiyan

tumhein auron sin duna dekhti hain KHush-numai mein

hunar jaane hain apna aaj aib-e-ahwali ankhiyan

pakaD mizhgan ke panje sun maroDa yun mere dil ko

teri zor-awari mein aaj rustam hain bali ankhiyan

tera har uzw pyare KHush-numa hai uzw-e-digar sin

mizha sin KHub-tar abru wa abru sin bhali ankhiyan

tahayyur ke phande mein said ho kar chaukDi bhule

agar aahu kun dikhlaun sajan ki achpali ankhiyan

hui fanus gardun ke siyah kajal sun sar-ta-pa

shab-e-hijran mein teri shama ho yan lag jali ankhiyan

zaban kar apne mizhgan kun lagi hain reKHte paDhne

hui hain 'abru' ke wasf mein teri wali ankhiyan