falak se chand taron ko utarta dekhta hun main

falak se chāñd tāroñ ko utartā dekhtā huuñ maiñ

hamesha jāgtī āñkhoñ se sapnā dekhtā huuñ maiñ

mujhe ma.alūm hai ġhurbat abhī banñe nahīñ degī

banā kar roz lekin ghar kā naqsha dekhtā huuñ maiñ

hamārī be-ma.āshī ne hameñ ye din dikhā.e haiñ

javāñ chehroñ pe bhī aksar buḌhāpā dekhtā huuñ maiñ

mujhe mil jaa.eñ shāyad kuchh mire bichhḌe hue sāthī

isī ummīd pe duniyā kā mela dekhtā huuñ maiñ

mile koī bhalā kyoñ mujh se 'anjum' aa.ina le kar

hamesha dūsroñ ko ḳhud se achchhā dekhtā huuñ maiñ

falak se chand taron ko utarta dekhta hun main

hamesha jagti aankhon se sapna dekhta hun main

mujhe malum hai ghurbat abhi banne nahin degi

bana kar roz lekin ghar ka naqsha dekhta hun main

hamari be-maashi ne hamein ye din dikhae hain

jawan chehron pe bhi aksar buDhapa dekhta hun main

mujhe mil jaen shayad kuchh mere bichhDe hue sathi

isi ummid pe duniya ka mela dekhta hun main

mile koi bhala kyon mujh se 'anjum' aaina le kar

hamesha dusron ko KHud se achchha dekhta hun main