falsafi ko bahs ke andar KHuda milta nahin

Akbar Allahabadi

falsafi ko bahs ke andar KHuda milta nahin

Akbar Allahabadi

MORE BYAkbar Allahabadi

    falsafī ko bahs ke andar ḳhudā miltā nahīñ

    Dor ko suljhā rahā hai aur sirā miltā nahīñ

    ma.arifat ḳhāliq aalam meñ bahut dushvār hai

    shahr-e-tan meñ jab ki ḳhud apnā patā miltā nahīñ

    ġhāfiloñ ke lutf ko kaafī hai duniyāvī ḳhushī

    āqiloñ ko be-ġham-e-uqbā mazā miltā nahīñ

    kashti-e-dil ilāhī bahr-e-hastī meñ ho ḳhair

    nāḳhudā milte haiñ lekin bā-ḳhudā miltā nahīñ

    ġhāfiloñ ko kyā sunā.ūñ dāstān-e-ishq-e-yār

    sunñe vaale milte haiñ dard-āshnā miltā nahīñ

    zindagānī mazā miltā thā jin bazm meñ

    un qabroñ bhī ab mujh ko patā miltā nahīñ

    sirf zāhir ho gayā sarmāya-e-zeb-o-safā

    kyā ta.ajjub hai jo bātin bā-safā miltā nahīñ

    puḳhta tabaoñ par havādis nahīñ hotā asar

    kohsāroñ meñ nishān-e-naqsh-e-pā miltā nahīñ

    shaiḳh-sāhib barhaman se laakh barteñ dostī

    be-bhajan gaa.e to mandir se Tikā miltā nahīñ

    jis pe dil aayā hai vo shīrīñ-adā miltā nahīñ

    zindagī hai talḳh jiine mazā miltā nahīñ

    log kahte haiñ ki bad-nāmī se bachnā chāhiye

    keh do be us ke javānī mazā miltā nahīñ

    ahl-e-zāhir jis qadar chāheñ kareñ bahs-o-jidāl

    maiñ ye samjhā huuñ ḳhudī meñ to ḳhudā miltā nahīñ

    chal base vo din ki yāroñ se bharī thī anjuman

    haa.e afsos aaj sūrat-āshnā miltā nahīñ

    manzil-e-ishq-o-tavakkul manzil-e-ezāz hai

    shaah sab baste haiñ yaañ koī gadā miltā nahīñ

    baar taklīfoñ mujh par bār-e-ehsāñ se hai sahl

    shukr hai agar hājat-ravā miltā nahīñ

    chāñdnī rāteñ bahār apnī dikhātī haiñ to kyā

    be tire mujh ko to lutf ai mah-laqā miltā nahīñ

    ma.anī-e-dil kare iz.hār 'akbar' kis tarah

    lafz mauzūñ bahr-e-kashf-e-mudda.ā miltā nahīñ

    falsafi ko bahs ke andar KHuda milta nahin

    Dor ko suljha raha hai aur sira milta nahin

    marifat KHaliq ki aalam mein bahut dushwar hai

    shahr-e-tan mein jab ki KHud apna pata milta nahin

    ghafilon ke lutf ko kafi hai duniyawi KHushi

    aaqilon ko be-gham-e-uqba maza milta nahin

    kashti-e-dil ki ilahi bahr-e-hasti mein ho KHair

    naKHuda milte hain lekin ba-KHuda milta nahin

    ghafilon ko kya sunaun dastan-e-ishq-e-yar

    sunne wale milte hain dard-ashna milta nahin

    zindagani ka maza milta tha jin ki bazm mein

    un ki qabron ka bhi ab mujh ko pata milta nahin

    sirf zahir ho gaya sarmaya-e-zeb-o-safa

    kya tajjub hai jo baatin ba-safa milta nahin

    puKHta tabaon par hawadis ka nahin hota asar

    kohsaron mein nishan-e-naqsh-e-pa milta nahin

    shaiKH-sahib barhaman se lakh barten dosti

    be-bhajan gae to mandir se Tika milta nahin

    jis pe dil aaya hai wo shirin-ada milta nahin

    zindagi hai talKH jine ka maza milta nahin

    log kahte hain ki bad-nami se bachna chahiye

    keh do be us ke jawani ka maza milta nahin

    ahl-e-zahir jis qadar chahen karen bahs-o-jidal

    main ye samjha hun KHudi mein to KHuda milta nahin

    chal base wo din ki yaron se bhari thi anjuman

    hae afsos aaj surat-ashna milta nahin

    manzil-e-ishq-o-tawakkul manzil-e-ezaz hai

    shah sab baste hain yan koi gada milta nahin

    bar taklifon ka mujh par bar-e-ehsan se hai sahl

    shukr ki ja hai agar hajat-rawa milta nahin

    chandni raaten bahaar apni dikhati hain to kya

    be tere mujh ko to lutf ai mah-laqa milta nahin

    mani-e-dil ka kare izhaar 'akbar' kis tarah

    lafz mauzun bahr-e-kashf-e-muddaa milta nahin

    Source:

    • Book : kulliyat-e-akbar allahabadi (Pg. 41)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY