faqat is ek uljhan mein wo pyasa dur tak aaya

faqat is ek uljhan meñ vo pyāsā duur tak aayā

chamaktī ret pīchhe thī ki dariyā duur tak aayā

mire ḳhāshāk meñ paḌne ko be-kal thā sharar koī

mirā dāman pakaḌne ek sho.ala duur tak aayā

zarā aage gayā to phuul bhī the narm saa.e bhī

nazar to dhuup kā ik zard ḳhitta duur tak aayā

kiyā ġhārat mohabbat kī faqat ek tez bārish ne

utar kar dil se sab rañg-e-tamannā duur tak aayā

ḳhatā kis kī hai tum hī vaqt se bāhar rahe 'shāhīñ'

tumheñ āvāz dene ek lamha duur tak aayā

faqat is ek uljhan mein wo pyasa dur tak aaya

chamakti ret pichhe thi ki dariya dur tak aaya

mere KHashak mein paDne ko be-kal tha sharar koi

mera daman pakaDne ek shoala dur tak aaya

zara aage gaya to phul bhi the narm sae bhi

nazar to dhup ka ek zard KHitta dur tak aaya

kiya ghaarat mohabbat ki faqat ek tez barish ne

utar kar dil se sab rang-e-tamanna dur tak aaya

KHata kis ki hai tum hi waqt se bahar rahe 'shahin'

tumhein aawaz dene ek lamha dur tak aaya