faqr ke hain moajizat taj o sarir o sipah

faqr ke haiñ mo.ajizāt taaj o sarīr o sipāh

faqr hai mīroñ kā miir faqr hai shāhoñ kā shaah

ilm kā maqsūd hai pāki-e-aql o ḳhirad

faqr kā maqsūd hai iffat-e-qalb-o-nigāh

ilm faqīh o hakīm faqr masīh o kalīm

ilm hai jūyā-e-rāh faqr hai dānā-e-rāh

faqr maqām-e-nazar ilm maqām-e-ḳhabar

faqr mastī savāb ilm meñ mastī gunāh

ilm kā maujūd aur faqr kā maujūd aur

ash.hado an lā ilaah ash.hado an lā ilaah

chaḌhtī hai jab faqr kī saan pe teġh-e-ḳhudī

ek sipāhī kī zarb kartī hai kār-e-sipāh

dil agar is ḳhaak meñ zinda o bedār ho

terī nigah toḌ de ā.īna-e-mehr-o-māh

faqr ke hain moajizat taj o sarir o sipah

faqr hai miron ka mir faqr hai shahon ka shah

ilm ka maqsud hai paki-e-aql o KHirad

faqr ka maqsud hai iffat-e-qalb-o-nigah

ilm faqih o hakim faqr masih o kalim

ilm hai juya-e-rah faqr hai dana-e-rah

faqr maqam-e-nazar ilm maqam-e-KHabar

faqr masti sawab ilm mein masti gunah

ilm ka maujud aur faqr ka maujud aur

ashhado an la ilah ashhado an la ilah

chaDhti hai jab faqr ki san pe tegh-e-KHudi

ek sipahi ki zarb karti hai kar-e-sipah

dil agar is KHak mein zinda o bedar ho

teri nigah toD de aaina-e-mehr-o-mah