fareb-e-rah se ghafil nahin hai
fareb-e-rāh se ġhāfil nahīñ hai
junūñ gum-karda-e-manzil nahīñ hai
mirī nākāmiyoñ par hañsne vaale
tire pahlū meñ shāyad dil nahīñ hai
ḳhudā ko nā-ḳhudā kahne lagā huuñ
safīna tālib-e-sāhil nahīñ hai
tirī bazm-e-tarab meñ aa gayā huuñ
magar dil ko sukūñ hāsil nahīñ hai
are us kī nigāh-e-be-ḳhabar bhī
mire anjām se ġhāfil nahīñ hai
mire zauq-e-safar kā pūchhnā kyā
nigāhoñ meñ mirī manzil nahīñ hai
ba-faiz-e-ishq karb-e-marg se 'naqsh'
guzar jaanā koī mushkil nahīñ hai
fareb-e-rah se ghafil nahin hai
junun gum-karda-e-manzil nahin hai
meri nakaamiyon par hansne wale
tere pahlu mein shayad dil nahin hai
KHuda ko na-KHuda kahne laga hun
safina talib-e-sahil nahin hai
teri bazm-e-tarab mein aa gaya hun
magar dil ko sukun hasil nahin hai
are us ki nigah-e-be-KHabar bhi
mere anjam se ghafil nahin hai
mere zauq-e-safar ka puchhna kya
nigahon mein meri manzil nahin hai
ba-faiz-e-ishq karb-e-marg se 'naqsh'
guzar jaana koi mushkil nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
