fareb-e-zar mohabbat-nagar khula hua hai

fareb-e-zār mohabbat-nagar khulā huā hai

tumhāre ḳhvāb kā mujh pe asar khulā huā hai

maiñ uḌ rahā huuñ falak tā falak ḳhumār meñ yuuñ

ki mujh pe ek jahān-e-digar khulā huā hai

ajiib sāda-dilī hai mirī tabī.at meñ

chalā safar pe huuñ raḳht-e-safar khulā huā hai

maiñ jāntā huuñ ki kyā hai ye āgahī kā azaab

jo harf harf mirī zaat par khulā huā hai

kahāñ khulī haiñ abhī us kī hairateñ mujh par

jo ik jahān varā-e-nazar khulā huā hai

ik intizār meñ qaa.em hai is charāġh kī lau

ik ehtimām meñ kamre kā dar khulā huā hai

fareb-e-zar mohabbat-nagar khula hua hai

tumhaare KHwab ka mujh pe asar khula hua hai

main uD raha hun falak ta falak KHumar mein yun

ki mujh pe ek jahan-e-digar khula hua hai

ajib sada-dili hai meri tabiat mein

chala safar pe hun raKHt-e-safar khula hua hai

main jaanta hun ki kya hai ye aagahi ka azab

jo harf harf meri zat par khula hua hai

kahan khuli hain abhi us ki hairaten mujh par

jo ek jahan wara-e-nazar khula hua hai

ek intizar mein qaem hai is charagh ki lau

ek ehtimam mein kamre ka dar khula hua hai