fariyaad-e-junun aur hai bulbul ki fughan aur

fariyād-e-junūñ aur hai bulbul kī fuġhāñ aur

sahrā kī zabāñ aur hai gulshan kī zabāñ aur

kaT jaa.e zabāñ terī to ho garm zabāñ aur hai

allāh ne dī hai tujhe ai sham.a zabāñ aur

jannat bhī hai dozaḳh bhī hai siine meñ hamāre

ye dāġh-e-nihāñ aur hai ye soz-e-nihāñ aur

ho jaa.e sach iflās meñ suntā huuñ rahegā

do-chār mahīne abhī māh-e-ramazāñ aur

āġhāz-e-mohabbat meñ ye dil ḳhuun huā hai

ro.eñge abhī dīda-e-ḳhūñ-nāba-fishāñ aur

duniyā meñ ab aisā qadar-andāz nahīñ hai

hote hī hadaf dil ke chaḌhī un kī kamāñ aur

jo piite haiñ piite nahīñ vo bhī ramzān meñ

suntā huuñ koī band huī mai kī dukāñ aur

achchhā hai raheñ jā ke lag donoñ-jahāñ se

ushshāq ke rahne ko bane ek jahāñ aur

piine kā mazā jab hai ki muñh ḳhum se lagā hai

mujh riñd se saaqī ye kahe jaa.e ki haañ aur

niklā hai mirā naam ki benām-o-nishāñ huuñ

mujh sā bhī na hogā koī benām-o-nishāñ aur

suntā huuñ musalmānoñ meñ ab maañg bahut hai

Dartā huuñ mai-e-nāb na ho jaa.e garāñ aur

pahuñche dar-o-dīvār ko nuqsān to kyā ġham

rone ke liye leñge kirā.e kā makāñ aur

tez ātish-e-sayyāl hai pahle se ziyāda

ab aag lagā.e na zarā pīr-e-muġhāñ aur

dī ham ne jagah dil ko bhī āñkhoñ ke barābar

āñkhoñ meñ samāte nahīñ vo ho ke javāñ aur

marne kā 'riyāz' apne zarā naam na lenā

jiinā abhī mar-mar ke tujhe hai mirī jaañ aur

fariyaad-e-junun aur hai bulbul ki fughan aur

sahra ki zaban aur hai gulshan ki zaban aur

kaT jae zaban teri to ho garm zaban aur hai

allah ne di hai tujhe ai shama zaban aur

jannat bhi hai dozaKH bhi hai sine mein hamare

ye dagh-e-nihan aur hai ye soz-e-nihan aur

ho jae sach iflas mein sunta hun rahega

do-chaar mahine abhi mah-e-ramazan aur

aaghaz-e-mohabbat mein ye dil KHun hua hai

roenge abhi dida-e-KHun-naba-fishan aur

duniya mein ab aisa qadar-andaz nahin hai

hote hi hadaf dil ke chaDhi un ki kaman aur

jo pite hain pite nahin wo bhi ramzan mein

sunta hun koi band hui mai ki dukan aur

achchha hai rahen ja ke lag donon-jahan se

ushshaq ke rahne ko bane ek jahan aur

pine ka maza jab hai ki munh KHum se laga hai

mujh rind se saqi ye kahe jae ki han aur

nikla hai mera nam ki benam-o-nishan hun

mujh sa bhi na hoga koi benam-o-nishan aur

sunta hun musalmanon mein ab mang bahut hai

Darta hun mai-e-nab na ho jae garan aur

pahunche dar-o-diwar ko nuqsan to kya gham

rone ke liye lenge kirae ka makan aur

tez aatish-e-sayyal hai pahle se ziyaada

ab aag lagae na zara pir-e-mughan aur

di hum ne jagah dil ko bhi aankhon ke barabar

aankhon mein samate nahin wo ho ke jawan aur

marne ka 'riyaz' apne zara nam na lena

jina abhi mar-mar ke tujhe hai meri jaan aur