ba-nam-e-amn-o-aman kaun mara jaega

ba-nām-e-amn-o-amāñ kaun maarā jā.egā

na jaane aaj yahāñ kaun maarā jā.egā

liye hue haiñ sabhī apnā sar hathelī par

kise ḳhabar hai kahāñ kaun maarā jā.egā

ajiib ma.arka barpā hai, kuchh ḳhabar hī nahīñ

kise milegī amaañ kaun maarā jā.egā

namāz paḌhne kī mohlat mile, mile na mile!

na jaane vaqt-e-azāñ kaun maarā jā.egā

jo tiir bhī hai, itā.at-guzār hai us kā

ye jāntī hai kamāñ kaun maarā jā.egā

kiye ga.e haiñ jo itne hifāzatī iqdām

ye dekhnā hai yahāñ kaun maarā jā.egā

kisī ke lab pe 'nasīm'-e-sahar duā kaisī

yahī hai vird-e-zabāñ kaun maarā jā.egā

ba-nam-e-amn-o-aman kaun mara jaega

na jaane aaj yahan kaun mara jaega

liye hue hain sabhi apna sar hatheli par

kise KHabar hai kahan kaun mara jaega

ajib marka barpa hai, kuchh KHabar hi nahin

kise milegi aman kaun mara jaega

namaz paDhne ki mohlat mile, mile na mile!

na jaane waqt-e-azan kaun mara jaega

jo tir bhi hai, itaat-guzar hai us ka

ye jaanti hai kaman kaun mara jaega

kiye gae hain jo itne hifazati iqdam

ye dekhna hai yahan kaun mara jaega

kisi ke lab pe 'nasim'-e-sahar dua kaisi

yahi hai wird-e-zaban kaun mara jaega