fasil-e-dil mein dar kiya ki rabta bana rahe

fasīl-e-dil meñ dar kiyā ki rābta banā rahe

ise ḳhudā kā ghar kiyā ki rābta banā rahe

zamīñ pe apne jism kī thakan bichhā ke so gayā

bharosa ḳhaak par kiyā ki rābta banā rahe

sabhī gharoñ meñ aap hī muqīm thā isī liye

mujhe bhī dar-ba-dar kiyā ki rābta banā rahe

vo dushmanoñ kī saf meñ thā isī liye kalām bhī

kamān khīñch kar kiyā ki rābta banā rahe

use pasand aa ga.iiñ palak palak pe jhālareñ

so maiñ ne in ko tar kiyā ki rābta banā rahe

maiñ ḳhud-ġharaz meñ matlabī tabhī ḳhudā se pyaar bhī

kisī ke naam par kiyā ki rābta banā rahe

ye kūza-gar kā shauq thā tabhī to merī ḳhaak ne

thā raqs chaak par kiyā ki rābta banā rahe

kabhī maiñ karbalā gayā kabhī madīna o najaf

kahāñ kahāñ safar kiyā ki rābta banā rahe

fasil-e-dil mein dar kiya ki rabta bana rahe

ise KHuda ka ghar kiya ki rabta bana rahe

zamin pe apne jism ki thakan bichha ke so gaya

bharosa KHak par kiya ki rabta bana rahe

sabhi gharon mein aap hi muqim tha isi liye

mujhe bhi dar-ba-dar kiya ki rabta bana rahe

wo dushmanon ki saf mein tha isi liye kalam bhi

kaman khinch kar kiya ki rabta bana rahe

use pasand aa gain palak palak pe jhaalaren

so main ne in ko tar kiya ki rabta bana rahe

main KHud-gharaz mein matlabi tabhi KHuda se pyar bhi

kisi ke nam par kiya ki rabta bana rahe

ye kuza-gar ka shauq tha tabhi to meri KHak ne

tha raqs chaak par kiya ki rabta bana rahe

kabhi main karbala gaya kabhi madina o najaf

kahan kahan safar kiya ki rabta bana rahe