fasl-e-gul aisi na thi baad-e-saba aisi na thi

fasl-e-gul aisī na thī bād-e-sabā aisī na thī

aaj se pahle zamāne kī havā aisī na thī

ye libās-e-gul ye nazm-e-gulsitāñ aisā na thā

surḳhī-e-rang-e-shafaq bū-e-hinā aisī na thī

meherbāñ jis par hue us kī bujhā dī tishnagī

mere ghar par jo barastī vo ghaTā aisī na thī

tum ne dānista vafā ke dā.ere kam kar diye

varna pahle dilbarī kī ye adā aisī na thī

aaj ham ne sach kahā to sab muḳhālif ho ga.e

varna ye duniyā kabhī ham se ḳhafā aisī na thī

fasl-e-gul aisi na thi baad-e-saba aisi na thi

aaj se pahle zamane ki hawa aisi na thi

ye libas-e-gul ye nazm-e-gulsitan aisa na tha

surKHi-e-rang-e-shafaq bu-e-hina aisi na thi

meherban jis par hue us ki bujha di tishnagi

mere ghar par jo barasti wo ghaTa aisi na thi

tum ne danista wafa ke daere kam kar diye

warna pahle dilbari ki ye ada aisi na thi

aaj hum ne sach kaha to sab muKHalif ho gae

warna ye duniya kabhi hum se KHafa aisi na thi