fasl-e-gul ko zid hai zaKHm dil ka hara kaise ho

fasl-e-gul ko zid hai zaḳhm dil kā harā kaise ho

chāñdnī bhī Das rahī hai ġham kī davā kaise ho

raat kī balā.eñ Talīñ to shāḳh-e-sub.h se utar

sāhiloñ se pūchhtī hai mauj-e-sabā kaise ho

vaqt kī navāzishoñ ne ḳhuun kar diyā safed

sargirāñ the ham guloñ se rang judā kaise ho

āsmāñ bhī thak gayā hai sar pe TuuT TuuT ke

chalte chalte hai zamīñ bhī ābla-pā kaise ho

tan kā chāñd Dhal gayā to vo bhī bujh ke rah ga.ī

maiñ bhī sañg-e-be-hisī se TuuT gayā kaise ho

merā sar hai is zaḳhm-e-lutf se jhukā huā

us kā dil bhī ġham se mere ohda-barā kaise ho

nazr-e-jāñ bhī pesh kī to muskurā ke pheñk dī

apne sar se zindagī kā qarz adā kaise ho

zindagī se chal rahī hai is tarah 'zafar' ki bas!

radd-o-kad bahr-taraf hai us kā burā kaise ho

fasl-e-gul ko zid hai zaKHm dil ka hara kaise ho

chandni bhi Das rahi hai gham ki dawa kaise ho

raat ki balaen Talin to shaKH-e-subh se utar

sahilon se puchhti hai mauj-e-saba kaise ho

waqt ki nawazishon ne KHun kar diya safed

sargiran the hum gulon se rang juda kaise ho

aasman bhi thak gaya hai sar pe TuT TuT ke

chalte chalte hai zamin bhi aabla-pa kaise ho

tan ka chand Dhal gaya to wo bhi bujh ke rah gai

main bhi sang-e-be-hisi se TuT gaya kaise ho

mera sar hai is zaKHm-e-lutf se jhuka hua

us ka dil bhi gham se mere ohda-bara kaise ho

nazr-e-jaan bhi pesh ki to muskura ke phenk di

apne sar se zindagi ka qarz ada kaise ho

zindagi se chal rahi hai is tarah 'zafar' ki bas!

radd-o-kad bahr-taraf hai us ka bura kaise ho