fasl-e-gul mein jo koi shaKH-e-sanobar toDe

fasl-e-gul meñ jo koī shāḳh-e-sanobar toḌe

bāġhbāñ ġhaib kā us kā vahīñ phir sar toḌe

dast-e-sayyād meñ kahtī thī ye kal bulbul-e-zār

kyā rihā.ī kā mazā hai jo mire par toḌe

ḳhaak bhī ḳhuun kī jā niklī na yahāñ ai pyāre

be-sabab haa.e ye fazā duun ne nishtar toḌe

vasl ke tishna-laboñ ko na ho māyūsī kyuuñ

daur par un ke falak haa.e jo sāġhar toḌe

mere dilbar ko milā de jo koī mujh se 'surūr'

abhī detā huuñ zar-e-surḳh ke sattar toḌe

fasl-e-gul mein jo koi shaKH-e-sanobar toDe

baghban ghaib ka us ka wahin phir sar toDe

dast-e-sayyaad mein kahti thi ye kal bulbul-e-zar

kya rihai ka maza hai jo mere par toDe

KHak bhi KHun ki ja nikli na yahan ai pyare

be-sabab hae ye faza dun ne nishtar toDe

wasl ke tishna-labon ko na ho mayusi kyun

daur par un ke falak hae jo saghar toDe

mere dilbar ko mila de jo koi mujh se 'surur'

abhi deta hun zar-e-surKH ke sattar toDe