faza ka rang nikharta dikhai deta hai

fazā kā rañg nikhartā dikhā.ī detā hai

hai shab tamām ki sapnā dikhā.ī detā hai

lahū kā rañg hai miT kar bhī rañg lā.egā

ufuq kā rañg sunahrā dikhā.ī detā hai

vo jis ne dhuup ke mele ko chhat muhayyā kī

saḌak pe us kā baserā dikhā.ī detā hai

maiñ kaun huuñ ki hai sab kāñch kā vajūd mirā

mirā libās bhī mailā dikhā.ī detā hai

sarāb lab pe sajā.e har ek phirtā hai

mujhe to shahr bhī sahrā dikhā.ī detā hai

tane ko chhoḌ ke pattoñ ko thāmne vaalo

tumheñ shajar bhī tamāshā dikhā.ī detā hai

abhī se kashtiyāñ sāhil pe le chale logo

abhī se tum ko kinārā dikhā.ī detā hai

vo sauñp jaatā hai mujh ko havā ke hāthoñ meñ

usī kā mujh ko sahārā dikhā.ī detā hai

faza ka rang nikharta dikhai deta hai

hai shab tamam ki sapna dikhai deta hai

lahu ka rang hai miT kar bhi rang laega

ufuq ka rang sunahra dikhai deta hai

wo jis ne dhup ke mele ko chhat muhayya ki

saDak pe us ka basera dikhai deta hai

main kaun hun ki hai sab kanch ka wajud mera

mera libas bhi maila dikhai deta hai

sarab lab pe sajae har ek phirta hai

mujhe to shahr bhi sahra dikhai deta hai

tane ko chhoD ke patton ko thamne walo

tumhein shajar bhi tamasha dikhai deta hai

abhi se kashtiyan sahil pe le chale logo

abhi se tum ko kinara dikhai deta hai

wo saunp jata hai mujh ko hawa ke hathon mein

usi ka mujh ko sahaara dikhai deta hai