faza malul thi maine faza se kuchh na kaha

fazā malūl thī maiñ ne fazā se kuchh na kahā

havā meñ dhuul thī maiñ ne havā se kuchh na kahā

yahī ḳhayāl ki barse to ḳhud baras jaa.e

so umr-bhar kisī kaalī ghaTā se kuchh na kahā

hazār ḳhvāb the āñkhoñ meñ lāla-zāroñ ke

milī saḌak pe to bād-e-sabā se kuchh na kahā

vo rāstoñ ko sajāte rahe unhoñ ne kabhī

gharoñ meñ nāchne vaalī balā se kuchh na kahā

vo lamha jaise ḳhudā ke baġhair biit gayā

use guzār ke maiñ ne ḳhudā se kuchh na kahā

shaboñ meñ tujh se rahī merī guftugū kyā kyā

dinoñ meñ chāñd tire naqsh-e-pā se kuchh na kahā

faza malul thi main ne faza se kuchh na kaha

hawa mein dhul thi main ne hawa se kuchh na kaha

yahi KHayal ki barse to KHud baras jae

so umr-bhar kisi kali ghaTa se kuchh na kaha

hazar KHwab the aankhon mein lala-zaron ke

mili saDak pe to baad-e-saba se kuchh na kaha

wo raston ko sajate rahe unhon ne kabhi

gharon mein nachne wali bala se kuchh na kaha

wo lamha jaise KHuda ke baghair bit gaya

use guzar ke main ne KHuda se kuchh na kaha

shabon mein tujh se rahi meri guftugu kya kya

dinon mein chand tere naqsh-e-pa se kuchh na kaha