faza mein kaif-fashan phir sahab hai saqi
fazā meñ kaif-fashāñ phir sahāb hai saaqī
phir apne rañg pe daur-e-shabāb hai saaqī
ye talḳh yādeñ kam-az-kam bhulā to detī hai
sharāb kuchh bhī ho āḳhir sharāb hai saaqī
jo apnī hastī kī mastī miTā ke aatā hai
tire huzūr vahī bāryāb hai saaqī
ġham-e-firāq ġham-e-zindagī ġham-e-duniyā
sharāb saare ġhamoñ kā javāb hai saaqī
tirī nigāhoñ se maiḳhāne jaam bharte haiñ
tirī nigāhoñ kā koī javāb hai saaqī
ba-qaul-e-'charḳh' yahāñ mastiyāñ ubhartī haiñ
ye mai-kada to jahān-e-shabāb hai saaqī
faza mein kaif-fashan phir sahab hai saqi
phir apne rang pe daur-e-shabab hai saqi
ye talKH yaaden kam-az-kam bhula to deti hai
sharab kuchh bhi ho aaKHir sharab hai saqi
jo apni hasti ki masti miTa ke aata hai
tere huzur wahi baryab hai saqi
gham-e-firaq gham-e-zindagi gham-e-duniya
sharab sare ghamon ka jawab hai saqi
teri nigahon se maiKHane jam bharte hain
teri nigahon ka koi jawab hai saqi
ba-qaul-e-'charKH' yahan mastiyan ubharti hain
ye mai-kada to jahan-e-shabab hai saqi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
