aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tamir-e-kaenat ke saman liye hue

Shahzadi Kulsum

tamir-e-kaenat ke saman liye hue

Shahzadi Kulsum

MORE BYShahzadi Kulsum

    ta.amīr-e-kā.enāt ke sāmāñ liye hue

    aa.ī huuñ rāz-e-ālam-e-imkāñ liye hue

    jā.ūñ kidhar maiñ kashtī-e-armāñ liye hue

    har sāhil-e-murād hai tūfāñ liye hue

    jalva nazar fareb hai duniyā hai dil fareb

    har aa.ina hai dīda-e-hairāñ liye hue

    ḳhud-bīñ mere sheva-e-taslīm par na

    baiThī huuñ rāz-e-ālam-e-imkāñ liye hue

    har qatra hai talātum-e-dariyā yādgār

    har zarra hai numūd-e-bayābāñ liye hue

    shān-e-junūñ to dekhiye apne saroñ pe aaj

    phirte haiñ mujh ko ḳhār-e-bayābāñ liye hue

    allāh re duā-e-lab-e-zaḳhm asar

    vo ḳhud aa rahe haiñ namak-dāñ liye hue

    pur-dāġh merā dil rahā bazm-e-nashāt meñ

    aayā hazār sham-e-farozāñ liye hue

    o be-niyāz dekh tirī bazm-e-nāz se

    jaatī huuñ ishq-e-be-sar-o-sāmāñ liye hue

    'kulsūm' kal vo guzre haiñ mere qarīb se

    āñkhoñ meñ ik sharārat-e-pinhāñ liye hue

    tamir-e-kaenat ke saman liye hue

    aai hun raaz-e-alam-e-imkan liye hue

    jaun kidhar main kashti-e-arman liye hue

    har sahil-e-murad hai tufan liye hue

    jalwa nazar fareb hai duniya hai dil fareb

    har aaina hai dida-e-hairan liye hue

    KHud-bin tu mere shewa-e-taslim par na ja

    baiThi hun raaz-e-alam-e-imkan liye hue

    har qatra hai talatum-e-dariya ki yaadgar

    har zarra hai numud-e-bayaban liye hue

    shan-e-junun to dekhiye apne saron pe aaj

    phirte hain mujh ko KHar-e-bayaban liye hue

    allah re dua-e-lab-e-zaKHm ka asar

    wo KHud hi aa rahe hain namak-dan liye hue

    pur-dagh mera dil raha bazm-e-nashat mein

    aaya hazar sham-e-farozan liye hue

    o be-niyaz dekh teri bazm-e-naz se

    jati hun ishq-e-be-sar-o-saman liye hue

    'kulsum' kal wo guzre hain mere qarib se

    aankhon mein ek shararat-e-pinhan liye hue

    Source:

    Yaadgaar e Kulsum (Pg. 73)

    • Author: Shahzadi Kulsum
      • Publisher: Akbar Jaipuri
      • Year of Publication: 1962

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now