fikr-e-nakaami-e-tadbir karun ya na karun

fikr-e-nākāmī-e-tadbīr karūñ yā na karūñ

ham-nashīñ shikva-e-taqdīr karūñ yā na karūñ

dard kī āḳhirī manzil hai masarrat-āgīñ

talḳhī-e-dahr kī tafsīr karūñ yā na karūñ

rabt-e-bāham hī se hai un ke zamāna qaa.em

husn ko ishq se ta.abīr karūñ yā na karūñ

phir uThegā vahī tūfān-e-havādis ai dost

phir se duniyā ko maiñ ta.amīr karūñ yā na karūñ

phir se mashkūk hue merī mohabbat ke nuqūsh

phir na.e taur se tahrīr karūñ yā na karūñ

shāyad ik nusḳha-e-iksīr kī sūrat nikle

is ġham-e-dil kī maiñ tafsīr karūñ yā na karūñ

fikr-e-nakaami-e-tadbir karun ya na karun

ham-nashin shikwa-e-taqdir karun ya na karun

dard ki aaKHiri manzil hai masarrat-agin

talKHi-e-dahr ki tafsir karun ya na karun

rabt-e-baham hi se hai un ke zamana qaem

husn ko ishq se tabir karun ya na karun

phir uThega wahi tufan-e-hawadis ai dost

phir se duniya ko main tamir karun ya na karun

phir se mashkuk hue meri mohabbat ke nuqush

phir nae taur se tahrir karun ya na karun

shayad ek nusKHa-e-iksir ki surat nikle

is gham-e-dil ki main tafsir karun ya na karun