فکر کی حد سے گزرتی ہی گئی

فکر کی حد سے گزرتی ہی گئی

عشق دریا میں اترتی ہی گئی

رنگ جانے کیسے اس نے بھر دئے

میری چھب ہر پل نکھرتی ہی گئی

وقت ہوں میں کوئی کیسے روکتا

یعنی میں ہر پل گزرتی ہی گئی

جب نہ تھی صورت رہائی کی تو وہ

بال و پر اپنے کترتی ہی گئی

سرسری کہہ دی تھی اس نے بات جو

میرے دل میں وہ اترتی ہی گئی

پیار نے اس کو سمیٹا تھا مگر

وہ سمٹ کر بھی بکھرتی ہی گئی

غرق ہو کر بھی بحور عشق سے

جب میں ابھری تو ابھرتی ہی گئی