fikr o ehsas ke tapte hue manzar tak aa
fikr o ehsās ke tapte hue manzar tak aa
mere lafzoñ meñ utar kar mire andar tak aa
kahīñ aisā na ho ruk jaa.eñ qalam kī sāñseñ
ai mirī jān-e-ġhazal apne suḳhan-var tak aa
varna ḳhvāboñ kī tapish tujh ko jalā Dālegī
merī jaagī huī nīñdoñ ke samundar tak aa
sard kamre kī sulagtī huī tanhā.ī meñ
merī sāñsoñ se nikal kar mire bistar tak aa
dar-o-dīvār mo'attar hoñ tirī ḳhushbū se
dil meñ mat aa magar ik baar mire ghar tak aa
us se kahnā hai 'salīm' aglī mulāqāt meñ ye
ḳhvāb ban kar kabhī āñkhoñ ke muqaddar tak aa
fikr o ehsas ke tapte hue manzar tak aa
mere lafzon mein utar kar mere andar tak aa
kahin aisa na ho ruk jaen qalam ki sansen
ai meri jaan-e-ghazal apne suKHan-war tak aa
warna KHwabon ki tapish tujh ko jala Dalegi
meri jagi hui nindon ke samundar tak aa
sard kamre ki sulagti hui tanhai mein
meri sanson se nikal kar mere bistar tak aa
dar-o-diwar mo'attar hon teri KHushbu se
dil mein mat aa magar ek bar mere ghar tak aa
us se kahna hai 'salim' agli mulaqat mein ye
KHwab ban kar kabhi aankhon ke muqaddar tak aa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
