fitna-gar shoKHi-e-haya kab tak

fitna-gar shoḳhī-e-hayā kab tak

dekhnā aur na dekhnā kab tak

but-kada kuchh dar-e-qubūl nahīñ

yās-e-nākāmī-e-duā kab tak

dard aur dard bhī judā.ī kā

aise bīmār kī duā kab tak

ek maiñ kyā adū bhī marte haiñ

nigah-e-lutf-āshnā kab tak

dil meñ josh-e-hadīs-e-kufr 'zahīr'

lab pe shor-e-ḳhudā-ḳhudā kab tak

fitna-gar shoKHi-e-haya kab tak

dekhna aur na dekhna kab tak

but-kada kuchh dar-e-qubul nahin

yas-e-nakaami-e-dua kab tak

dard aur dard bhi judai ka

aise bimar ki dua kab tak

ek main kya adu bhi marte hain

nigah-e-lutf-ashna kab tak

dil mein josh-e-hadis-e-kufr 'zahir'

lab pe shor-e-KHuda-KHuda kab tak