roz wahshat koi nai mere dost

roz vahshat koī na.ī mire dost

is ko kahte haiñ zindagī mire dost

alam ehsās āgahī mire dost

saarī bāteñ haiñ kāġhzī mire dost

dekh iz.hāriye badal ga.e haiñ

ye hai ikkīsvīñ sadī mire dost

kyā charāġhoñ kā tazkira karnā

raushnī ghuT ke mar ga.ī mire dost

haañ kisī alamiye se kam kahāñ hai

mirī hālat tirī hañsī mire dost

saath dene kī baat saare kareñ

aur nibhā.e koī koī mire dost

itnī galiyāñ ug aa.iiñ bastī meñ

bhuul baiThā tirī galī mire dost

lāzmī hai ḳhirad kī bedārī

niiñd lekin kabhī kabhī mire dost

roz wahshat koi nai mere dost

is ko kahte hain zindagi mere dost

alam ehsas aagahi mere dost

sari baaten hain kaghzi mere dost

dekh izhaariye badal gae hain

ye hai ikkiswin sadi mere dost

kya charaghon ka tazkira karna

raushni ghuT ke mar gai mere dost

han kisi alamiye se kam kahan hai

meri haalat teri hansi mere dost

sath dene ki baat sare karen

aur nibhae koi koi mere dost

itni galiyan ug aain basti mein

bhul baiTha teri gali mere dost

lazmi hai KHirad ki bedari

nind lekin kabhi kabhi mere dost