fursat ho to sun lije bita hua afsana

fursat ho to sun liije biitā huā afsāna

kyuuñ hosh gañvā baiThā ye aap kā dīvāna

tum hī to tamannā ho har shaiḳh-o-brahman kī

sajda tumheñ karte haiñ kā'ba ho ki but-ḳhāna

tūfān mohabbat kā ḳhāmosh thā muddat se

kyuuñ aaj chhalak uThThā ye sabr kā paimāna

ham ātish-e-ulfat meñ is taur se jalte haiñ

ḳhud sham' haiñ mahfil meñ aur aap hī parvāna

jab mast nigāhoñ se saaqī ne zarā dekhā

mad.hosh nazar aayā maiḳhāne kā mai-ḳhāna

is dil kī ḳharābī se 'ājiz haiñ magar phir bhī

rakhte haiñ 'azīz apnā TuuTā huā paimāna

ho 'ahd-e-vafā un kā yā vā'da-e-fardā ho

aatā hai 'shamīm' ham ko bātoñ meñ bahal jaanā

fursat ho to sun lije bita hua afsana

kyun hosh ganwa baiTha ye aap ka diwana

tum hi to tamanna ho har shaiKH-o-brahman ki

sajda tumhein karte hain ka'ba ho ki but-KHana

tufan mohabbat ka KHamosh tha muddat se

kyun aaj chhalak uThTha ye sabr ka paimana

hum aatish-e-ulfat mein is taur se jalte hain

KHud sham' hain mahfil mein aur aap hi parwana

jab mast nigahon se saqi ne zara dekha

madhosh nazar aaya maiKHane ka mai-KHana

is dil ki KHarabi se 'ajiz hain magar phir bhi

rakhte hain 'aziz apna TuTa hua paimana

ho 'ahd-e-wafa un ka ya wa'da-e-farda ho

aata hai 'shamim' hum ko baaton mein bahal jaana