ghaar ke munh se ye chaTTan haTane ke liye
ġhaar ke muñh se ye chaTTān haTāne ke liye
koī nekī bhī nahīñ yaad dilāne ke liye
ik nigāh-e-ġhalat-andāz kā imkāñ niklā
kuchh zamīñ aur milī paañv baḌhāne ke liye
us kī rāhoñ meñ paḌā maiñ bhī huuñ kab se lekin
bhuul jaatā huuñ use yaad dilāne ke liye
sub.h darveshoñ ne phir raah lī apnī apnī
maiñ bhī baiThā thā vahāñ qissa sunāne ke liye
vo mire saath to kuchh duur chalā thā lekin
kho gayā ḳhud bhī mujhe raah pe laane ke liye
ek shab hī to basar karnā hai is dasht meñ 'zeb'
kuchh bhī mil jaa.e yahāñ sar ko chhupāne ke liye
ghaar ke munh se ye chaTTan haTane ke liye
koi neki bhi nahin yaad dilane ke liye
ek nigah-e-ghalat-andaz ka imkan nikla
kuchh zamin aur mili panw baDhane ke liye
us ki rahon mein paDa main bhi hun kab se lekin
bhul jata hun use yaad dilane ke liye
subh darweshon ne phir rah li apni apni
main bhi baiTha tha wahan qissa sunane ke liye
wo mere sath to kuchh dur chala tha lekin
kho gaya KHud bhi mujhe rah pe lane ke liye
ek shab hi to basar karna hai is dasht mein 'zeb'
kuchh bhi mil jae yahan sar ko chhupane ke liye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
