گئے وہ دن کہ کوئی غم شناس آئے گا

گئے وہ دن کہ کوئی غم شناس آئے گا

جو آ گیا بھی تو کیا دل کو راس آئے گا

چلو تو راہ محبت میں بے طلب ہو کر

مزہ سفر کا تو بن بھوک پیاس آئے گا

مدد کو جس کی کھڑا ہوں میں سرنگوں ہو کر

بڑے غرور میں وہ نا سپاس آئے گا

وہ صاف گو ہے مگر بات کا ہنر سیکھے

بدن حسیں ہے تو کیا بے لباس آئے گا

عجب نہیں کہ ترے در پے ایک روز یہ شخص

ہر ایک سمت سے ہو کر اداس آئے گا

میں دوریوں کا نیا باب کھول رکھتا ہوں

ابھی وہ شخص مرے اور پاس آئے گا