gahri hai shab ki aanch ki zanjir-e-dar kaTe
gahrī hai shab kī aañch ki zanjīr-e-dar kaTe
tārīkiyāñ baḌhe to sahar kā safar kaTe
kitnī shadīd hai ye ḳhunuk surḳhiyoñ kī shaam
sulgā hai vo sukūt ki tār-e-nazar kaTe
saugand hai ki tark-e-talab kī sazā mile
ruk jaa.e gar qadam kī masāfat to sar kaTe
kyuuñ kusht-e-e'tibār bhī sarsar kī zad meñ ho
kyā intizār-e-ḳhulq se fasl-e-hunar kaTe
yuuñ bhī to ho ki sar ke sabab ho shikast-e-sañg
ye bhī to ho kabhī ki shajar se tabar kaTe
khil jaa.eñ raushnī pe mire pattharoñ ke rañg
us raat sī pahāḌ kā siina magar kaTe
sadiyoñ safar hai 'shād' mujhe ḳhud mirā vajūd
dil se ġhubār raah chhuTe rahguzar kaTe
gahri hai shab ki aanch ki zanjir-e-dar kaTe
tarikiyan baDhe to sahar ka safar kaTe
kitni shadid hai ye KHunuk surKHiyon ki sham
sulga hai wo sukut ki tar-e-nazar kaTe
saugand hai ki tark-e-talab ki saza mile
ruk jae gar qadam ki masafat to sar kaTe
kyun kusht-e-e'tibar bhi sarsar ki zad mein ho
kya intizar-e-KHulq se fasl-e-hunar kaTe
yun bhi to ho ki sar ke sabab ho shikast-e-sang
ye bhi to ho kabhi ki shajar se tabar kaTe
khil jaen raushni pe mere pattharon ke rang
us raat si pahaD ka sina magar kaTe
sadiyon safar hai 'shad' mujhe KHud mera wajud
dil se ghubar rah chhuTe rahguzar kaTe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
