ghalat-fahmi ki sarhad par kar ke
ġhalat-fahmī kī sarhad paar kar ke
miTā do fāsle īsār kar ke
ye kārobār bhī kab raas aayā
ḳhasāre meñ rahe ham pyaar kar ke
lagīñ sadiyāñ banāne meñ jo rishte
vo ik pal meñ chale mismār kar ke
gale mil kar hī duurī duur hogī
milegā kyā hameñ takrār kar ke
sage bhaa.ī bhī ab ik chhat ke nīche
vo rahte haiñ magar dīvār kar ke
masā.il haiñ ki baḌhte jā rahe haiñ
guloñ kā barmalā iz.hār kar ke
gañvā dī izzat-e-sādāt 'muftī'
mohabbat meñ nigāheñ chaar kar ke
ghalat-fahmi ki sarhad par kar ke
miTa do fasle isar kar ke
ye karobar bhi kab ras aaya
KHasare mein rahe hum pyar kar ke
lagin sadiyan banane mein jo rishte
wo ek pal mein chale mismar kar ke
gale mil kar hi duri dur hogi
milega kya hamein takrar kar ke
sage bhai bhi ab ek chhat ke niche
wo rahte hain magar diwar kar ke
masail hain ki baDhte ja rahe hain
gulon ka barmala izhaar kar ke
ganwa di izzat-e-sadat 'mufti'
mohabbat mein nigahen chaar kar ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
