gali akeli hai pyare andheri raaten hain
galī akelī hai pyāre añdherī rāteñ haiñ
agar milo to sajan sau tarah kī ghāteñ haiñ
butāñ siiñ mujh kuuñ tū kartā hai man' ai zāhid
rahā huuñ sun ki ye bhī ḳhudā kī bāteñ haiñ
azal siiñ kyuuñ ye abad kī taraf kuuñ dauḌeñ haiñ
vo zulf dil ke talab kī magar barāteñ haiñ
raqīb ijz siiñ ma.aqūl ho sake haiñ kahīñ
ilaaj un kā magar jhagḌeñ haiñ va lāteñ haiñ
karo karam kī nigāhāñ taraf faqīroñ kī
nisāb-e-husn kī sāhab yahī zakāteñ haiñ
rahīñ falak ke sadā her-pher meñ nāmard
ye rañDiyāñ haiñ ki charḳha hamesha kāteñ haiñ
likhūñgā 'ābrū' ab ḳhush-nayan kuuñ maiñ naamā
palak qalam haiñ mirī mardumuk davāteñ haiñ
gali akeli hai pyare andheri raaten hain
agar milo to sajan sau tarah ki ghaten hain
butan sin mujh kun tu karta hai man' ai zahid
raha hun sun ki ye bhi KHuda ki baaten hain
azal sin kyun ye abad ki taraf kun dauDen hain
wo zulf dil ke talab ki magar baraaten hain
raqib ijz sin maqul ho sake hain kahin
ilaj un ka magar jhagDen hain wa laten hain
karo karam ki nigahan taraf faqiron ki
nisab-e-husn ki sahab yahi zakaten hain
rahin falak ke sada her-pher mein namard
ye ranDiyan hain ki charKHa hamesha katen hain
likhunga 'abru' ab KHush-nayan kun main nama
palak qalam hain meri mardumuk dawaten hain
- Book : Deewan-e-Aabro (Pg. 196)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
