gham chhapaun ki aashkar karun

ġham chhapā.ūñ ki āshkār karūñ

kaun sī vaz.a iḳhtiyār karūñ

hādsoñ se nigāh chaar karūñ

ġham ke lamhoñ ko shāhkār karūñ

aur kyā hai jo nazr-e-yār karūñ

jī meñ aatā hai jāñ-nisār karūñ

zindagī ko hī jab sabāt nahīñ

aur phir kis kā e.atibār karūñ

tum bhī mahbūb zindagī bhī aziiz

tum ko chāhūñ ki ḳhud se pyaar karūñ

aur bhī mashġhale haiñ vahshat ke

kyoñ garebāñ hī taar taar karūñ

kyā qayāmat se kam hai shām-e-firāq

aur kis din kā intizār karūñ

har sahārā hai jab tirā muhtāj

kyoñ sahāroñ pe inhisār karūñ

'zabt' jab zabt-e-ġham kī hai tākīd

kyoñ na ye jabr iḳhtiyār karūñ

gham chhapaun ki aashkar karun

kaun si waza iKHtiyar karun

hadson se nigah chaar karun

gham ke lamhon ko shahkar karun

aur kya hai jo nazr-e-yar karun

ji mein aata hai jaan-nisar karun

zindagi ko hi jab sabaat nahin

aur phir kis ka eatibar karun

tum bhi mahbub zindagi bhi aziz

tum ko chahun ki KHud se pyar karun

aur bhi mashghale hain wahshat ke

kyon gareban hi tar tar karun

kya qayamat se kam hai sham-e-firaq

aur kis din ka intizar karun

har sahaara hai jab tera muhtaj

kyon sahaaron pe inhisar karun

'zabt' jab zabt-e-gham ki hai takid

kyon na ye jabr iKHtiyar karun