gham do aalam ka jo milta hai to gham hota hai

ġham do aalam kā jo miltā hai to ġham hotā hai

ki ye baada bhī mire zarf se kam hotā hai

kab mirī shām-e-tamannā ko milegā ai dost

vo saverā jo tirā naqsh-e-qadam hotā hai

be-ḳhabar phuul ko bhī khīñch ke patthar pe na maar

ki dil-e-sañg meñ ḳhvābīda sanam hotā hai

haa.e vo mahviyat-e-dīd kā aalam jis vaqt

apnī palkoñ kā jhapaknā bhī sitam hotā hai

ġham huā kartā hai āġhāz meñ apnā lekin

vahī baḌhtā hai to har ek kā ġham hotā hai

ishq kar detā hai jab aañkh pe jaadū to 'shamīm'

dair hotā hai nazar meñ na haram hotā hai

gham do aalam ka jo milta hai to gham hota hai

ki ye baada bhi mere zarf se kam hota hai

kab meri sham-e-tamanna ko milega ai dost

wo sawera jo tera naqsh-e-qadam hota hai

be-KHabar phul ko bhi khinch ke patthar pe na mar

ki dil-e-sang mein KHwabida sanam hota hai

hae wo mahwiyat-e-did ka aalam jis waqt

apni palkon ka jhapakna bhi sitam hota hai

gham hua karta hai aaghaz mein apna lekin

wahi baDhta hai to har ek ka gham hota hai

ishq kar deta hai jab aankh pe jadu to 'shamim'

dair hota hai nazar mein na haram hota hai