gham-e-dil ka bayan chhoD gae

ġham-e-dil kā bayān chhoḌ ga.e

ham ye apnā nishān chhoḌ ga.e

tirī dahshat se baaġh meñ sayyād

murġh sab āshiyān chhoḌ ga.e

raah meñ mujh ko ham-rahāñ mere

jaan ko nā-tavān chhoḌ ga.e

nafrat aa.ī sag-o-humā ko kyā

jo mire ustuḳhvān chhoḌ ga.e

chalte chalte bhī ye jafā-keshāñ

haath mujh par nidān chhoḌ ga.e

kisī dar par unhoñ ko jā na milī

jo tirā āstān chhoḌ ga.e

safar is dil se kar ga.e ġham-o-dard

yaar suunā makān chhoḌ ga.e

saf.ha-e-rozgār par likh likh

ishq kī dāstān chhoḌ ga.e

le ga.e sab badan zamīñ meñ ham

'mus.hafī' ik zabān chhoḌ ga.e

gham-e-dil ka bayan chhoD gae

hum ye apna nishan chhoD gae

teri dahshat se bagh mein sayyaad

murgh sab aashiyan chhoD gae

rah mein mujh ko ham-rahan mere

jaan ko na-tawan chhoD gae

nafrat aai sag-o-huma ko kya

jo mere ustuKHwan chhoD gae

chalte chalte bhi ye jafa-keshan

hath mujh par nidan chhoD gae

kisi dar par unhon ko ja na mili

jo tera aastan chhoD gae

safar is dil se kar gae gham-o-dard

yar suna makan chhoD gae

safha-e-rozgar par likh likh

ishq ki dastan chhoD gae

le gae sab badan zamin mein hum

'mushafi' ek zaban chhoD gae