gham-e-furqat saha nahin jata

ġham-e-furqat sahā nahīñ jaatā

roz mar kar jiyā nahīñ jaatā

ḳhizr se bhī rah-e-mohabbat meñ

saath mere chalā nahīñ jaatā

ho ga.ī zo.af kī bhī had dil meñ

dard se bhī uThā nahīñ jaatā

ab ye sūrat hai mere rone par

ġhair se bhī hañsā nahīñ jaatā

qabr meñ saath hai tirī hasrat

varna tanhā rahā nahīñ jaatā

ab to ham se tire baġhair mile

ḳhaak meñ bhī milā nahīñ jaatā

dil to jaatā hai shauq meñ tere

shauq dil se tirā nahīñ jaatā

kitnā kam-zarf hai tirā paikāñ

ḳhūn-e-dil bhī piyā nahīñ jaatā

vo to jaate haiñ dil se ai ġham-e-yār

tū bhī jaatā hai yā nahīñ jaatā

ab to ye haal hai ki un se bhī

haal merā sunā nahīñ jaatā

vo umangeñ nahīñ magar 'mahmūd'

tāknā jhāñknā nahīñ jaatā

gham-e-furqat saha nahin jata

roz mar kar jiya nahin jata

KHizr se bhi rah-e-mohabbat mein

sath mere chala nahin jata

ho gai zoaf ki bhi had dil mein

dard se bhi uTha nahin jata

ab ye surat hai mere rone par

ghair se bhi hansa nahin jata

qabr mein sath hai teri hasrat

warna tanha raha nahin jata

ab to hum se tere baghair mile

KHak mein bhi mila nahin jata

dil to jata hai shauq mein tere

shauq dil se tera nahin jata

kitna kam-zarf hai tera paikan

KHun-e-dil bhi piya nahin jata

wo to jate hain dil se ai gham-e-yar

tu bhi jata hai ya nahin jata

ab to ye haal hai ki un se bhi

haal mera suna nahin jata

wo umangen nahin magar 'mahmud'

takna jhankna nahin jata