gham-e-hayat gham-e-dil nishat-e-jaan guzra
ġham-e-hayāt ġham-e-dil nishāt-e-jāñ guzrā
tumhāre saath har ik lamha shādmāñ guzrā
taḌap ke dard se fariyād ko jo lab khole
sitam shi.ār zamāne pe ye garāñ guzrā
badal de ruḳh jo mirī zindagī ke dhāroñ kā
vo hādisa mire dil par abhī kahāñ guzrā
javāb-e-tūr-o-tajalli kaheñge ahl-e-nazar
jo dil kī raah se vo husn-e-mehrbāñ guzrā
basā ke dil meñ tire ġham tire sitam ai dost
jahāñ jahāñ se bhī guzrā maiñ naġhma-ḳhvāñ guzrā
gham-e-hayat gham-e-dil nishat-e-jaan guzra
tumhaare sath har ek lamha shadman guzra
taDap ke dard se fariyaad ko jo lab khole
sitam shiar zamane pe ye garan guzra
badal de ruKH jo meri zindagi ke dhaaron ka
wo hadisa mere dil par abhi kahan guzra
jawab-e-tur-o-tajalli kahenge ahl-e-nazar
jo dil ki rah se wo husn-e-mehrban guzra
basa ke dil mein tere gham tere sitam ai dost
jahan jahan se bhi guzra main naghma-KHwan guzra
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
