gham-e-hijran se ai jaan-e-jahan hum ban-sanwar nikle

ġham-e-hijrāñ se ai jān-e-jahāñ ham ban-sañvar nikle

sitam terī judā.ī ke sabhī hī be-asar nikle

ḳhudā tere jinheñ apnī ḳhudā.ī par takabbur thā

haTā jo ruḳh se parda to pas-e-parda bashar nikle

magar āsāñ nahīñ the sab bhulā dene ke ranj-o-ġham

gumāñ tere dar-e-dil se lahū meñ Duub kar nikle

jo dikhte the bajā rah par vahī gumrāh the nādāñ

jo bhaTke bhūle lagte the vahī pisar-e-ḳhizar nikle

ki kuchh ghanToñ kī mad.hoshī se kyā hotā hai ai saaqī

pilā aisī ki mad.hoshī meñ hī saarī umar nikle

sajāyā hai jise dil ne laboñ par muskurāhaT meñ

agar bah jaa.e āñkhoñ se to pas ḳhūn-e-jigar nikle

kiyā un ko matā-e-ishq ne har baar phir zinda

jo āshiq dār-e-yārāñ se agar nikle to mar nikle

gham-e-hijran se ai jaan-e-jahan hum ban-sanwar nikle

sitam teri judai ke sabhi hi be-asar nikle

KHuda tere jinhen apni KHudai par takabbur tha

haTa jo ruKH se parda to pas-e-parda bashar nikle

magar aasan nahin the sab bhula dene ke ranj-o-gham

guman tere dar-e-dil se lahu mein Dub kar nikle

jo dikhte the baja rah par wahi gumrah the nadan

jo bhaTke bhule lagte the wahi pisar-e-KHizar nikle

ki kuchh ghanTon ki madhoshi se kya hota hai ai saqi

pila aisi ki madhoshi mein hi sari umar nikle

sajaya hai jise dil ne labon par muskurahaT mein

agar bah jae aankhon se to pas KHun-e-jigar nikle

kiya un ko mata-e-ishq ne har bar phir zinda

jo aashiq dar-e-yaran se agar nikle to mar nikle